الطفل بائع البطاطا

الطفل بائع البطاطا

الاسم : عمر صلاح

السن : 14 سنه

الوظيفه : بائع بطاطا منذ 5 سنوات

الحالة الاجتماعيه : يتيم الاب , يعول 3 اخوات وهما:

1. اميرة
2. ريم
3. امير

أحلامة : يتعلم يقرأ ويكتب ويلاقى شغلانه كويسة يصرف بيها على اخواتة ...

أنتم ايه هى مشكلتكم مع الطفل الى اتقتل ؟؟

هل علشان هو بياع بطاطا ؟؟

يعنى لو كان بياع ترمس كان عادى ؟

ولا مشكلتكم انه علشان طفل !

ولا انه علشان انسان ؟!


كنتم فين و الطفل دا مرمى نايم على الرصيف ؟

كان عايش بس ميت .. وانتم ولا حاسين !


خلاص كل واحد عايز يتاجر بدم طفل كمان ؟؟

زعلانين اووى انه مات ؟ ما فى اكبر منه وماتو .. كنتم يعنى جبتو حقه ؟

على الاقل اهو استريح منكم


فى ملايين الاطفال نايمين وعايشين فى الشوارع

وكمان بتبيع بطاطا

بس انتم فى الاول و الاخير تجار .. وكل واحد وليه صانعته


عايزين تظهرو فى التلفزيونات وتعملو اعلانات

وجايز برامج توك شو ...


عمر ما حد فيكم أفتكر الطفل دا وهو عايش !!

جايين تفتكروه وهو ميت ؟ طيب هيفيد بأية ؟

هى مشكلتكم ايه مع الطفل المقتول ؟؟ انه بياع بطاطا ؟ يعنى لو كان بياع ترمس كان عادى ؟ ولا علشان هو طفل ؟ ولا علشان هو انسان ؟
— غـجــري™ (@Mo7amad_7amdy) February 13, 2013