القانون رقم 40 لسنة 1977 الخاص بنظام الأحزاب السياسية مادة 32

تقريباً هدخل فى الموضوع على طول

انا ولا دخلت حقوق ولا كنت حابب ادخلها اصلا

و تقريبا برضو دراستى ( نظم معلومات ) ملهاش اى علاقه بالعمل السياسى

بس انهاردا الصبح كنت بقرأ صفحه من كتاب

الكتاب له علاقه بكيفيه انشاء حركه سياسيه او اجتماعيه ... ألخ

و فى هذا السطر توقفت كثير

و من ثم مسكت موبايلى و بدأت أتويت

و دا السطر الى قرأته >> " ثامناً: ألا يترتب على قيام الحزب إعادة تكوين أى حزب من الأحزاب التى خضعت للمرسوم بقانون رقم 37 لسنة 1953 بشأن حل الأحزاب السياسية . "

طبعا انا مسكيتش و روحت اشوف الدستور و المواد دى بتقول ايه

قانون الأحزاب السياسية المصري

القانون رقم 40 لسنة 1977 الخاص بنظام الأحزاب السياسية

مادة 32

الباب الثالث
أحكام ختامية ووقتية

تلغى المادتان (2) و (6) من المرسوم بقانون رقم 37 لسنة 1953 في شأن حل الأحزاب السياسية ولا يجوز استنادا إلى أحكام هذا القانون إعادة تكوين الأحزاب التي خضعت للمرسوم بقانون المشار إليه أو الأحزاب التي تتعارض مع مقوماتها مع مبادئ ثورتي 23 يوليو سنة 1952 و 15 مايو سنة 1971.

المرسوم هو >>  ألا يترتب على قيام الحزب إعادة تكوين أى حزب من الأحزاب التى خضعت للمرسوم بقانون رقم 37 لسنة 1953 بشأن حل الأحزاب السياسية .

مصدر الليله دى هو الجزيره 

الدستور

المهم انا مش فاهم حاجه من الكلام المكتوب دا

او فهمى على ادى فى مواد الدستور عموماً

بس سبب تدوينة انهاردا انى شوفت ان فى احزاب كتيره نشأت هدفها الاول و المعروف هو اعاده تكوين حزب " الحزب الوطنى " و تتمثل فى عدة احزاب من اهمها هو حزب " 25 يناير " و دا عار على كل ثورى وجود حزب فلول بهذا الاسم

لكن السؤال هنا ازاى الاحزاب دى تمت الموافقه عليها ؟؟

و اكيد الاعضاء المؤسسين للأحزاب دى أساميهم معروفه انهم من الحزب الوطنى المنحل ؟؟

هذا و قد تم حل البرلمان الحالى بطريقه غير شرعيه و هذا غير دستورى

كما انه تمت ممارسات عديده بوجود اعلان دستورى هزيل لا يجب ان يحدث مثل هذا فى اهم دوله بالمنطقه " مصر "

انا مدطر انهى التدوين لانى جعان

انا عارف ان للحديث بقيه بس لازم انهى دلؤقتى علشان المخرج هيصوووااات

لكم تحياتى

النقاش مفتوح للجميع