بدأت رحلة التدوين في مارس 2010 عبر منصة ” بلوج سبوت ” التابعة لـ ” جوجل ” وحتى بدايات يوليو 2015 والتي قررت فيها نقل محتوى مدونتي إلى ” ووردبريس ” لأسباب تقنية اكثر.
في عام 2010 أردت أن اعرض أفكاري لمتابعيني من أصدقائي المقربين، وإلى ذلك الحين ايضاً من يتابعونني هم اصدقائي المقربين.
عني:
أنا الهَارب مِن قبَيلة إناريت، انا إبنُ الآله الغجري الأعظم، انا أخو الشَيطان الثالِث عشر، انا الذي جاء إلي الأرضِ للبحثِ عن اُنثي بلِا ماضي ، انا الذي خانتني زوجتي إيهاو ، أنا الروح السارية فى أنفاسكم ،أنا السعادة مجردة على شفاهكم أنا الحزن الراكد اسفل أقدامكم، ،أنا الرؤية وقت دمعتكم ، لا تسألنى عن دينى فألهى ليس إلهك حتى وان كنا نتبع نفس الدين.
قلبي صغير كفستقة الحزن ولكنه في الموازين اثقل من كفة الموت.. ف خصومة قلبي مع الله، ليس سواه..
في داخلي شخص مجنون .. سأعطهِ فرصه انا محمد حمدى ( غجري ) فـ ” إينفورمشن سيستيم ” وكنت بحبها، بس هى حبت واحد غيري وعمرها ماحبتني، كنت بحب مصر جداً لحد ما شفتها ماشية مع عسكري وفكستلي، مش بفكر ف الإرتباط -الجواز- بمعني ادق، علشان عندي ” فلات فوود ” والدكتور قالي مفيش أمل، شغال نقاش على فوتوشوب بعد الظهر، والصبح بصلّح برامج وبطور مواقع.
هواياتى:
بحب الرسم والأنترنت، بحب السفاري والسفر بالليل، القراءة جزء من حياتى، بلطش شوية ف الكورة، الموسيقي والأفلام، عاشق للسينما والفن بكل ما فيه، سياسي درجة تالته علشان درجة اولي وثانية كومبليت، ثوري بس مش معايا تيكت الثورة، ومش وطني علشان قالولي انت مش وطني، تلاقيني ف حزب الدستور احياناً.
انتهى.
السياسه فى مصر .. غير السياسه فى اى دوله تانيه العالم كله عارف ان فى ناس متخصصه بتمارس سياسه عادى جدا... فى مصر عادى جدا الناس كلها بتمارس سياسه غير الناس المتخصصه .. عارف .. كله .. العالم , مفهمتش حاجه !! اهى دى بقا سياسة مصر , .. هو دا بقا الى انا اقصده .. ان فى مصر مش لازم تكون فاهم كل حاجه علشان تتكلم فى السياسه .. بل ان السياسيين عملولك قسم اسمه ( هرى فــ سياسه ) وتعنى بالانجليزيه ( Donkey in policy ) ودا تقدر تنضم له ببساطه جدا ربى ديلك ( او دقنك ) الموضوع كان المفروض يبقى ليه باقى .. بس معيش فكه : على جنب ياسطا .